دعاء لمواطن مصرى

::: دعاء مواطن مصري مطحون :::

اللهم أهدى لنا سواقين الميكروباص والمدير البصباص اللهم أنقذنا من نفسية الز ملاء.. وغباء الأصدقاء اللهم ارحمنا من استبياع الجيل الجديد.. وحرائق السكة الحديد واستقصاد كل مدير. . وندالة القرايب الصغير منهم والكبير اللهم أغثنا من كل عميل .. ومن فواتير موبينيل اللهم أرحمنا من تشريفة عربيات المسئولين , وزحمة الشوارع في كل حين وسحب الرخص في كل كمين.. من الغلبان مش م المتين اللهم ارحمنا من الشئون القانونية وشئون العاملين واللي بيقفوا فـ وسط الشارع فجأة وبدون إشارة يمين

اللهم قنا شر الكليبات.. وشر شلل البنات.. ولؤم الستات وغباوة الحموات والمينيمم تشارج كافيهات.. وهيافة الصحف والمجلات وقطع الحرارة فجأة عن التليفونات وقت الزنقات والمدارس اللي بتطلب تبرعات بالألافات ووقــــوع السيــرفـــر وقفلـــة السايتـــات اللهم ارفع مستوى الزمالك .. لمستوى انبى والحدود.. أو حتى مستوى أسمنت أسيوط أو أرسل يارب عليهم صاعقة.. بدل ما يخلونا نموت ... اللهم سدد أقسسسسساطنا .. وضلل عنا مآمير الضرايب اللهم ارزق جيل الوسط عقود عمل في ليبيا وقطر اللهم افتح لجيلنا القديم الطريق الفسيح حتى ننظف انتخابات البلد من لعبة المراجيح اللهم ارحمنا من الاكتئاب مرض العصر والشباب واحمي يارب سماء مصر من سحابة الهباب واكفنا شر صاحب الدقن الكداب وصاحب التصريحات النصاب اللهم ارزق كل بنت بعريس هدية.. وكل شاب بوظيفة وشقة وعربية اللهم أحرق الـ 0900 واضرب الحرامية بالحرامية ونجح أي طالب في أي كلية حتى ولو كان في التربية الموسيقية آآميييييييييييييييييييييييييييييييييييييين آآآميييييييييييييييييييييييييييييييييييييين

انتهاكات الشرطه المصريه بالصور

بسم الله الرحمن الرحيم

انتهاكات الشرطه المصريه للمواطن المصرى موضوع مثير للجدل هل العيب من المواطن ولا العيب من الشرطه واكيد العيب من مواطنيين الكرام ازاى يتعرضوا للشرطه . كل شرطى او رجل امن فوق القانون فى بلدنا ومحدش يقدر يكلمه ولا يحسبه غير قليلل اوى وبيكون تهدئه للوضع العام بس لو وصلت الامور للجرائد اليوميه زيى ما بنقول كبش فداء لغيره ومش بيجيوا غير على ملازم اول ملازم حاجه كدا على صغير ومسالوش هما عرفوا الوسائل دى منين اكيد من الاكبر. وظاهره غريبه فى الظباط المصريين ان كل عائلتهم ظباط كانها ورث من الدوله وطبعا اللاولويه ابناء الظباط الكرام وطبعا مع الوسطه والرشوه بيدخل ويطلع ظابط من اولها حياه رشوه ووسطه هيطع ازاى غير ان ميجيش غير على مواطن غلبان طالع عينه فى بلد الحرامى فيه هو الشريف وطبعا الشريف هو العبيط الى لسه بيفكر افكار رجعيه . مفيش واحد مصرى عايش فى مصر مجاش فى مره قال انا تبع الباشا فلان يطلع ملازم يطلع عقيد يطلع لواء طبعا دى كلمه السر فى ازمه الواحد يقع فيها. وياسعده الى اخوه ظابط يدوس على الناس مهو البااشا هيخرجه وهيتعمله احسن واجب لاكن الطرف الاخر يومه اسود طبعا وتبقى ليلتك سوده لو وقعت فى ايد ظابط ويكون هو الغلطان مش انت انسى انك تاخد حقك دا الباشا فلان ابن الباشا فلان. الشرطه عندنا كانهم نازليين من السما مخلفات لا اهتمام بالغير لا كان الظابط دا نازل من السما فى اى مكان وعشان منظلمهمش فيهم ناس محترمه

الصوره الى هتيجى هتقول كلام اكتر مش بنفترى عليهم دى الحقيقه وبالصور

لا تعليييييييييييييييييييييييييييييييييييييييييييييييييييييييييييييييييييييييييييييييييييييييييييييييييق

مش من حق اى ظابط شرطه يضرب حد من حقك بس تحسبه انت بتشتغل عندنا لحمايه الناس مش لضربهم بالبشاعه والقسوه الى شفنها وما خفى كان اعظم

واكيد فى اكتر كل يوم هنشوف وهنشوف اكتر

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟